"Ish - hayotdan zavqlanishning eng yaxshi usuli"

To'qqiz yil oldin men Turkmenskiy supermarketiga qabul qilindim. Mehnat faoliyatimni kassir sifatida boshladim va birinchi ish kunim juda hayajonli bo'ldi. Har kuni bizning do'konimizga minglab odamlar tashrif buyurishadi, lekin shu bilan birga ularning har biri bilan do'stona, xushmuomala bo'lish kerak, ammo eng muhimi, pozitiv kayfiyatni saqlagan holda, o'z vazifamizni to'g'ri bajarishdir. Dastlabki kunlardayoq men buni uddalayotganimni his qilardim va eng muhimi menga bu yoqardi - shunday qilib, men o'z ishimni yaxshi ko'rib qoldim. Ko'p o'tmay, supermarketga doimiy tashrif buyuruvchilar meni tanib olishdi. Hatto boshqa kassalar bo'sh bo'lishiga qaramay, aynan, men ularga xizmat ko'rsatishimni kutib, mening kassamda navbatda turganlar ham bo'ldi.

2014-yilda meni katta kassir yordamchisi lavozimiga o'tkazishdi. Mas'uliyat oshdi, lekin men qiyinchiliklardan qo'rqmadim. Mening sa'y-harakatlarim va ishimga nisbatan mas'uliyatli yondashishim muvaffaqiyatli karyeram garovi ekanligini va kelgusida rivojlanishim uchun muhim rol o'ynashini anglardim. Ikki yildan so'ng, attestatsiyadan muvaffaqiyatli o'tib, supervayzer lavozimiga o'tdim.

Men tartibni yaxshi ko'raman, shuning uchun do'konda boshlanadigan har bir yangi ish kunim narx yorliqlarining, tovarlarning risoladagidek taxlamining, yaroqlilik muddatlarining va boshqalarning umumiy tekshiruvi bilan boshlanadi. Men katta jamoamizdagi hamkasblarim bilan til topisha olyapman, ularga har tomonlama yordam beraman va o'z tajribam bilan o'rtoqlashaman. Men o'z jamoamni yaxshi ko'raman - u mening katta oilam!

Barchasi uchun taqdirimdan minnatdorman. Va zimmamga yuklangan ulkan mas'uliyat menga kasbiy o'sishimga va o'zim yaxshi ko'rgan ishim bilam shug'ullanishimga yordam berdi. Menga o'z ishim yoqadi - u ko'p qirrali, qiziqarli va hayotimni yanada yorqinroq qiladi.

Ishonchim komilki, agar har kim har kuni o'z ustida ishlasa, o'z oldiga qo'ygan maqsadiga qarab qadam tashlasa, u, albatta, baxtga erishadi.