Men ilgari Darxondagi smart ga ko‘p kirib turardim. O‘sha paytda men tez orada shu yerda xodim sifatida ishlay boshlashimni hatto tasavvur ham qilolmasdim. Men chiroyli ish kiyimidagi yosh qizlar va yigitlar mahsulotlarni tokchalarga taxlayotganini, kassirlar xushmuomalalik bilan mijozlarga xizmat ko‘rsatayotganini, do‘kon menejerlari mijozlar bilan mohirona muloqot qilayotganini ko‘rib qoyil qolardim. Tez orada men suhbatdan o‘tishga qaror qildim, ikki kun o‘tgach esa meni sotuvchi maslahatchi bo‘lib ishlashga taklif qilishdi. Men hozirgacha o‘z mehnat davrimning birinchi ish kunini juda yaxshi eslayman, bu bahor – yilning eng yoqimli fasli, umidlar va yangilanish davri edi.
Men 4 yildan beri korzinka.uz oilasidaman. Bu vaqt ichida menga Turkmenskiydagi supermarketning deyarli barcha oziq-ovqat bo‘limlarida ishlash nasib qildi. Shuningdek men Aviator korzinkasining ochilishida ishtirok etish baxtiga muyassar bo‘ldim, u yerda ulkan tajribaga, hissiy kechinmalarga erishdim va yangi do‘stlar orttirdim.
Mening hayotdagi shiorim: «Bugungi ishni ertaga qoldirma!» Men kompaniyadagi umumiy ish davrimda ikki marta “Eng yaxshi xodim” unvonini olishga muvaffaq bo‘ldim. Bugungi kunda Riyoziy korzinkada ishlayman va universal sotuvchi, InTouch ambassadori, ekspert, shuningdek ko‘plab yangi ishga kelgan xodimlarga o‘z tajribamni o‘rgatgan ustoz hisoblanaman. Bular mening eng yaxshi yutuqlarimdir.
Men korzinka.uz da ishlayotganimdan juda mamnunman va g‘ururlanaman. Biz mahoratli xodimlar jamoasiga, g‘amxo‘r va jonkuyar rahbariyatga egamiz. Men doim barcha o‘z hamkasblarimdan minnatdorman. Kelgusida do‘kon supervayzeri bo‘lishni rejalashtirganman va yangi maqsadimga erishish uchun juda kam qolganiga aminman.