Men “AngleseyFood” SHK ga 2009 yilda stajyor – kassir lavozimiga ishga kelganman. Bugungi kunda Supervayzer lavozimini egallab turibman. Ushbu kompaniyadagi 9 yillik ish faoliyatim davomida koʻp narsalarni bosib oʻtdim. Hammasi bir tekisda silliq kechdi deyolmayman, qiyinchiliklar ham boʻldi, ularsiz boʻlmaydi, albatta, lekin har safar bu qiyinchiliklarni yengganimda, tajribam oshib borar va bir qadam yuqorilar edim. 
Ishim va xodimlar bilan bevosita muloqot qilish bilan bogʻliq boʻlgan asosiy majburiyatlarim sharofati bilan, men oʻzimning nafaqat, kasbiy tomondan, balki shaxsiyatim tomonidan ham qanday oʻsib, yuqorilayotganimni koʻryapman. Men juda talabchan va qattiqqoʻl ekanimni yashirmayman. Shu bilan birga, adolatsizlikni qabul qila olmayman. 
Men oʻz xodimlarimda ishlashga va oʻz vazifalarini sifatli bajarishga boʻlgan ishtiyoqni koʻrganimda, doimo ularning har qanday tashabbuslarini va takliflarini qoʻllab-quvvatlayman. 
Olgʻa yurishga koʻmaklashaman. Barchaga maʼlumki, xodimlarimizning katta qismini yosh qiz va yigitlar tashkil etadi. Yoshlar jamoasi bilan ishlashda,eng muhimi yigit va qizlar uchun toʻgʻri maqsad va vazifalar qoʻyish, ularni shunga yoʻnaltirish va qoʻllab-quvvatlash ham muhim – men buni oʻzimning asosiy va eng masʼuliyatli vazifam deb hisoblayman. Har bir xodim uchun individual yondashish kerak. Har biri bilan ularning qabul qilish qobiliyati va feʼl-atvorini hisobga olgan holda muomala qilish kerak. Har bir vazifani batafsil tushuntirib berishga xarakat qilaman. Menga qayta tushuntirish qiyin emas, asosiysi, meni eshitishlari va toʻgʻri tushunishlari. Sabrlilik va tushuntira olish qobiliyatim tufayli, stajyorlarim oʻz ishining mohir ustalari boʻlib yetishishdi va yaxshi mutaxassislar roʻyhati hali- hamon oʻsishda davom etmoqda. Shuningdek, mening oʻsishimga va kasbiy tarafdan barcha yutuqlarimga mening oʻz ishimga boʻlgan muhabbatim sababb deya olaman. Men haqiqatan ham oʻz ishimni sevdim va ishlashimga hojat qolmadi, men shunchaki oʻz sevgan mashgʻulotim bilan band boʻlaman.