O'tmishga nazar tashlar ekanman, hozir o'zimni tanimayman, inson hech qachon bir joyda to`xtab qolmasligi kerak deb o`ylayman, chunki hayot imkoniyatlarga to'la!

Anglesey Food-dagi faoliyatim 2012 yilda boshlangan. Akademik litsey o'quvchisi bo`la turib men o'qish va ish faoliyatini birlashtirishga qaror qildim. Ota-onam bilan maslahatlashib, korzinka.uz supermarketlar tarmog'ida sotuvchi-konsultant bo'lib ishga joylashdim.

Ammo supermarketdagi  ishim uzoqqa cho`zilmadi, chunki menda boshqa mamlakatda o'qish  imkoniyati tug`ildi. Vatanimga qaytgach, REDTAG kiyim-kechak va aksessuarlar  do'konlar tarmog`ida kassir bo'lib ishlashga qaror qildim. Suhbatdan muvaffaqiyatli o'tdim va meni o`zim uchun qulay bo`lgan va ilk kareyeramni boshlagan Samarqand Darvozadagi REDTAGga  tayinlashdi. Dastlabki taassurotlar “Korzinka”dagi kabi hayajonli edi. Jamoa samimiy, birlashgan bo`lib, uni  professionallar boshqarardi. Barchasi to`lqinlanish bilan egallangan moda sanoatidagi qiziqarli ishlar bilan bir qatorda yangi tajriba va bilimlarga ega bo'ldim.

Kassir sifatida ish olib borayotib, o'zimda quyidagi xususiyatlarni  shakllantirdim : stressga qarshi turish, odamlarni tinglash qobiliyati, mijozlar bilan noodatiy vaziyatlarni hal qilish. Amaliyotni tugatganimdan so'ng, menga REDTAG NEXT da katta kassir yordamchisi sifatida ishlashni  taklif qilishdi.

"NEXT" dagi ishlar juda o`ziga tortadigan edi, u yerda  meni qadrdondek kutib olishdi. Ajoyib jamoa, tajribali va malakali rahbar, yanada qiziqarli vazifalar. Ustozimning sabr-toqati va tirishqoqligi tufayli barcha yangi bilimlarni juda tez va osonlik bilan o`zlashtirdim. Navbatdagi attestatsiyadan o'tganimdan keyin katta kassir etib tayinlandim. Xodimlarni  o'sib borishi uchun o'qitish va tayyorlash men uchun eng qiziqarli vazifalardan biri aylandi. Stajorlarning tayyor mutaxassislarga aylanishlarini va ularning kareyeralarini o`sishini kuzatish - bu chinakam zavq.

Katta kassir lavozimiga tayinlanishim meni  yana ham oldinga intilishga undadi. Yana biroz vaqt o'tgach, menga REDTAG AVIATOR do'koni supervayzer bo'lishni taklif qilishdi. Bu yerda menda keskin o'zgarishlar boshlandi, bunda menga menejer Svetlana Kan yordam berdi. U chinakam yetakchining namunasi, o`z so'zida turadigan va hamma narsani oxirigacha yetkazadigan so'zsiz rahbardir.

Ammo men shu bilan to'xtab qolmayman, oldinga  harakat qilib, o`zim uchun rivojlanishning  yangi marralarini kashf etaman. Bugungi kunda korzinka.uz  bosh ofisining moliya bo'limida tahsil olib, tajriba orttirmoqdaman.