Do'kon menejerlari uchun timbilding o'tkazildi

Dam olish kunlari Korzinka do'konlarining barcha rahbarlari uchun yorqin taassurotlarga boy bo'ldi. Ular uchun biz "Layner" tog' kurortida  katta timbilding tashkil qildik. Jamoani yanada mustahkamlash, o‘zaro hamkorlik qilish va do‘konlarni boshqarish bo‘yicha ko‘proq amaliy bilim olish maqsadida tadbirda 140 dan ortiq menejerlar ishtirok etdi.

Dastlab, tarmoq do'konlarini operatsion boshqarish bo‘limi rahbari Anastasiya Kulakovskaya va savdo bo‘limi boshlig‘i Obid Rahmatovlar 2022-yilda amalga oshirilgan ishlar haqida so‘zlab, bu yilgi rejalar bilan o‘rtoqlashishdi. Shuningdek, korporativ psixolog va o‘quv markazi mutaxassislari tomonidan bir qator foydali treninglar o‘tkazildi.

Barcha rahbarlar uchun timbilding norasmiy sharoitda tajriba almashish, ko‘plab yangi g‘oyalar va amaliyotlarni topish uchun ajoyib imkoniyatga aylandi. U nafaqat savdo guruhidagi o'zaro munosabatlarni yaxshiladi, balki xodimlarga qishki tog'larning go'zalligidan juda ko'p ijobiy his-tuyg'ular olishga imkon berdi.